Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  ANONSLAR

Coğrafiya İnstitutunun əməkdaşları Polşada keçiriləcək regional konfransda iştirak edəcək
18.08.2014 00:00
  • A-
  • A
  • A+

Coğrafiya İnstitutunun əməkdaşları Polşada keçiriləcək regional konfransda iştirak edəcək

AMEA H.Əliyev adına Coğrafiya İnstitutunun direktoru, akademik Ramiz Məmmədov, elmi işlər üzrə direktor müavini, AMEA-nın müxbir üzvü Elbrus Əlizadə və coğrafiya üzrə fəlsəfə doktoru, dosent İrina Kuçinskaya avqustun 19-dan 25-nə qədər Polşada ezamiyyətdə olacaqlar.

Onlar Beynəlxalq Coğrafiya İttifaqının Krakov şəhərində təşkil etdiyi “Dəyişkənlik və davamlılıq” mövzusunda regional elmi konfransda iştirak edəcəklər. R.Məmmədov və E.Əlizadə “Azərbaycanda geomorfoloji risk”, İ.Kuçinskaya isə coğrafiya üzrə fəlsəfə doktoru, dosent S.Quliyeva ilə birgə hazırladıqları “Dağ sistemlərinin ekolandşaft-rekreasiya potensialı” (Böyük Qafqazın Azərbaycan hissəsi timsalında) mövzusunda məruzə ilə çıxış edəcəklər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.
  • Paylaş: