Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MARAQLI MƏLUMAT

Bu ilin Nobel mükafatları sahiblərinə təqdim olunub
10.12.2018 16:40
  • A-
  • A
  • A+

Bu ilin Nobel mükafatları sahiblərinə təqdim olunub

Dekabrın 10-da Alfred Nobelin anım günündə İsveçin paytaxtı Stokholmda Nobel mükafatı laureatlarının təltif olunma mərasimi keçirilib.

Tədbirdə fizika, kimya, fiziologiya və tibb, iqtisadiyyat sahələri üzrə Nobel mükafatları sahiblərinə təqdim edilib.

2018-ci ildə ümumilikdə 12 nəfər Nobel mükafatı laureatı olub. 

Üzərində Nobelin təsvir edildiyi qızıl medal, diplom və məbləği 9 milyon İsveç kronu (təqribən 1,06 milyon dollar) təşkil edən pul mükafatı Kral ХVI Karl Qustav tərəfindən laureatlara təqdim olunub.

Xatırladaq ki, 2018-ci ildə fiziologiya və tibb sahəsində Nobel mükafatına amerikalı Ceyms Ellison və yaponiyalı Tasuku Hondze layiq görülüblər. Onlar immunitet sisteminin mənfi fəaliyyətini dayandıraraq xərçəng xəstəliyinin müalicəsinin kəşfinə görə bu mükafatla təltif ediliblər. İqtisadiyyat üzrə Nobel mükafatı innovasiya, iqlim və iqtisadiyyat sahəsində tədqiqatlarına görə Vilyam NordhausPaul Romerə verilib.

Fizika üzrə Nobel mükafatı lazer fizikası sahəsində yenilikçi ixtiralara görə üç alimə - amerikalı Artur Eşkin, fransalı Jerard Moro və kanadalı Donna Striklanda verilib. Kimya sahəsində Nobel mükafatını amerikalı alim Frensis Arnold fermentlərin təkamülünə, Corc SmitQreqori Uinter isə faqotiv displey yaratdıqlarına görə alıblar.

2018-ci ilin Nobel Sülh mükafatı isə Norveçin paytaxtı Osloda sahiblərinə təqdim olunub.

Mükafat hüquq müdafiəçisi Nadya Murada və konqolu cərrah Denis Mukvegeyə döyüşlər və silahlı münaqişələr zamanı cinsi zorakılığa qarşı mübarizədə göstərdikləri səylərinə görə verilib.

Ədəbiyyat üzrə Nobel mükafatının 2019-cu ildə veriləcəyi bildirilir.

www.nobelprize.org

  • Paylaş: