Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  GÖRÜŞLƏR

Akademik İbrahim Quliyev AMEA Yüksək Texnologiyalar Parkının startapçıları ilə görüşüb
24.05.2018 14:31
  • A-
  • A
  • A+

Akademik İbrahim Quliyev AMEA Yüksək Texnologiyalar Parkının startapçıları ilə görüşüb

Akademiyanın vitse-prezidenti, akademik İbrahim Quliyev AMEA-nın Yüksək Texnologiyalar Parkının (YT Park) Biznes İnkubasiya Mərkəzində (BİM) startapçılarla görüş keçirib.

Tədbiri YT Parkın direktoru, aqrar elmlər üzrə fəlsəfə doktoru Vüqar Babayev açaraq BİM-in yaradılması və inkişaf etdirilməsi, inovasiyayönümlü startap layihələrinin dəstəklənməsi və ümumilikdə innovativ sahibkar düşüncə tərzinin formalaşdırılması istiqamətində görülən işlər, o cümlədən keçirilən treninq və seminarlar, müsabiqələr barədə məlumat verib.

Sonra çıxış edən BİM-in müdiri Vüsal Süleymanlı biznes inkubatorların startapların dəstəklənməsində və inkişafında rolunundan danışıb.

Görüşdə, həmçinin bir sıra startaplar - “RainEnergy”, "ANİMEDU”, "Hello Baku”,"11 Delivery", "My Engineer Mentor" və digər layihələr barədə təqdimatlar edilib.

Sonda akademik İbrahim Quliyev startap komandalarına öz tövsiyələrini verib, onlara fəaliyyətlərində uğurlar arzulayıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: