www.science.az
18.04.2018 15:34

AMEA alimlərinin Avropada postdoktoral tədqiqatlar aparması məqsədilə müsabiqə elan edilib

AMEA-nın alimlərinin postdoktoral elmi tədqiqatlarının tamamlanması məqsədilə Avropanın nüfuzlu elmi-tədqiqat müəssisələrinə göndərilməsi üçün müsabiqə elan edilir.

Müsabiqədə elmlər doktoru dissertasiyası üzərində çalışan alimlər iştirak edə bilərlər.  

Müsabiqə üçün tələb olunan sənədlərin siyahısı:

- Namizədin irəli sürülməsi haqqında AMEA-nın elmi müəssisəsinin direktorunun təqdimat məktubu;

- AMEA-nın elmi müəssisəsinin elmi şurasının qərarı (elmlər doktoru dissertasiyasının hazırlıq dərəcəsi göstərilməklə);

- Avropanın elmi müəssisəsi və ya universitetindən razılıq məktubu (tədqiqat üçün tələb edilən müddət və həmin müddət üçün maliyyə – yaşayış, sığorta və laboratoriya xərcləri qeyd edilməklə);

- Namizədin ali təhsil, elmi dərəcə və elmi adları haqqında diplomlarının surəti;

- Tərcümeyi-hal (CV);

- Elmi əsərlərin siyahısı;

- Şəxsiyyət vəsiqəsinin surəti.

Sənədlər AMEA Rəyasət Heyəti aparatının Elm və təhsil idarəsinə təqdim edilməlidir.

Müraciət üçün son tarix 27 aprel 2018-ci ildir.

Tel.: (+994 12) 497 21 28, 492 54 93.

Ünvan: Bakı ş., İstiqlaliyyət küç. 30, Rəyasət Heyətinin binası, otaq 501.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.