AMEA Nəsimi adına Dilçilik İnstitutunun elmi işlər üzrə direktor müavini, filologiya üzrə fəlsəfə doktoru, dosent Baba Məhərrəmlinin “Türk dillərinin qədim leksikası” adlı monoqrafiyası çap olunub.
Əsərdə türk dillərindəki söz köklərinin ilkin strukturu, kök morfemlərdəki morfonoloji dəyişmələrin səbəbləri müəyyənləşdirilib. Zəngin faktlar əsasında bəzi söz köklərinin arxetipləri bərpa olunub, qədim söz formalarının təsnifatı verilib, ilkin söz yaradıcılığının əsas istiqamətləri təsbit edilib.
Monoqrafiyanın elmi redaktoru, mərhum akademik, dünya şöhrətli türkoloq Tofiq Hacıyev, rəyçiləri professorlar Sevil Mehdiyeva və İsmayıl Məmmədlidir.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.