www.science.az
14.11.2017 09:25

İqtisadiyyat İnstitutunda aparılan elmi-tədqiqat işləri üzrə müsabiqə elan edilib

AMEA-nın İqtisadiyyat İnstitutunda aparılan elmi-tədqiqat işlərinin keyfiyyətini yüksəltmək və bu müəssisənin əməkdaşlarını stimullaşdırmaq məqsədilə müsabiqə elan olunur.

Müsabiqənin qaydalarına əsasən, institutun şöbə müdirləri 30 noyabr tarixinə kimi ümumi hesabatları, dekabrın 10-na qədər isə əməkdaşların yerinə yetirdikləri fərdi plan elmi-tədqiqat işlərini qiymətləndirərək yaradılmış müsabiqə komissiyasına təqdim etməlidirlər.

Qalib olan şöbələrə və əməkdaşlara fəxri diplom və institutun büdcədənkənar vəsaitləri hesabına pul mükafatları veriləcək.

Belə ki, şöbə hesabatları üzrə 1-ci yer 1500 manat, 2-ci yer 1000 manat, 3-cü yer 500 manat məbləğində mükafatlandırılacaq.

Fərdi planlar üzrə isə 1-ci yer 600 manat, 2-ci yer 400 manat, 3-cü yer 200 manat pul mükafatı qazanacaq. 

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.