Azərbaycan Milli Elmlər Akademiyası

Azərbaycan Milli Elmlər Akademiyası (AMEA) və İtaliya Milli Tədqiqat Şurası (İMTŞ) arasında imzalanmış Elmi Əməkdaşlıq Sazişi üzrə Müştərək Proqram çərçivəsində 2018-2019-cu illər üçün müsabiqə elan olunur.

Müsabiqəyə əsasən aşağıdakı sahələr üzrə layihə təklifləri təqdim edilməlidir:

- Yer sistemi elmləri və ətraf mühit texnologiyaları;

- Biologiya, kənd təsərrüfatı və ərzaq elmləri;

- Kimya elmləri və materiallar texnologiyası;

- Fizika elmləri və maddələr texnologiyası;

- Biotibb; 

- Mühəndislik, İKT və enerji texnologiyaları;

- İctimai və humanitar elmlər, mədəni irs .

Layihələr İtaliyanın müvafiq elmi təşkilatlarından olan alimlərlə birgə ingilis dilində hazırlanmalıdır.

AMEA və İMTŞ tərəfindən seçiləcək layihələr 2 il müddətinə illik 6000 avro dəyərində qranta layiq görüləcək. Ayrılan maliyyə vəsaiti layihə çərçivəsində İtaliyaya səfər xərclərinin ödənilməsinə sərf ediləcək.

Müsabiqəyə layihə təklifləri üçün ərizə forması 8 may 2017-ci il tarixindən - 7 iyul 2017-ci il tarixinə qədər AMEA Rəyasət Heyəti aparatının Beynəlxalq Əlaqələr İdarəsi tərəfindən qəbul edilir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.