Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Azərbaycan və Avropa alimlərinin birgə tədqiqatlarının nəticələri nüfuzlu jurnalda dərc olunub
14.02.2014 00:00
  • A-
  • A
  • A+

Azərbaycan və Avropa alimlərinin birgə tədqiqatlarının nəticələri nüfuzlu jurnalda dərc olunub

Azərbaycanlı alimlərin Fransa, İspaniya, Avstriya, İsveç və Almaniyadan olan həmkarları ilə birgə apardıqları tədqiqatların nəticələrini əks etdirən “Avropadan olan nanovirus genomlarının mürəkkəbliyi və onlarda rekombinasiya və reassortmentin sübutu” adlı məqalə“Journal of General Virology” jurnalında dərc olunub. Yabanı və mədəni paxlalı bitkiləri yoluxduran nanovirusların öyrənilməsinə həsr olunan tədqiqatlar nəticəsində elm üçün iki yeni nanovirus - black medic leaf roll virus (BMLRV) və pea yellow stunt virus (PYSV) identifikasiya olunub.

Avstriyada tapılmış PYSV virusun, Avstriya, Azərbaycan və İsveçdən isə üç BMLRV virusun tam genomları ayrılıb sekvens olunub. Bundan başqa, Azərbaycan və İspaniyadan faba bean necrotic yellows virusun (FBNYV) beş izolyatının genomları və Azərbaycandan tapılmış faba bean necrotic stunt virusun (FBNSV) dörd izolyatının genomları tam sekvens edilib. Nəticə olaraq, FBNSV virus Avropada ilk dəfə identifikasiya olunub.

Nanovirus genomları çərçivəsində rekombinasiya hadisələrinin daxili və aralıq komponentləri, həmçinin nanovirusların qarışıq infeksiyalarının potensial qalıqları, geniş reassortasiya, örtülməyən təkamül əlaqələri təyin olunaraq nukleotid ardıcıllıqlarında analiz edilib. FBNYV və BMLRV nanovirusların genom DNT-ləri bərpa edilmişdir ki, bu da ilk dəfə həmin nanovirusların təkamülünün və genom funksiyaların öyrənilməsi üçün təcrübi reassortasiyalara imkan verir.

Qeyd edək ki, Azərbaycanda bitki xəstəliklərinin öyrənilməsi üzrə tədqiqatlara AMEA Botanika İnstitutunun Bioloji məhsuldarlığın fundamental problemləri şöbəsində akademik Cəlal Əliyevin rəhbərliyi altında 2005-ci ildən başlanılıb və qısa müddətdə böyük uğurlar əldə olunub. Alınmış nəticələr bir çöx nüfuzlu nəşrlərdə öz əksini tapıb, beynəlxalq konfrans və konqreslərdə təqdim olunub. Azərbaycanda bitkilərdə virus və fitoplazma xəstəliklərinə dair bukletlər çap olunub, 2011, 2013-cü illərdə AR Prezidenti yanında Elmin İnkişafı Fondunun qrant layihələri və BMT-nin Regionlararası Cinayət və Ədliyyə Tədqiqat İnstitutunun (UNİCRİ) “Cənubi Qafqazda və Mərkəzi Asiyada Biomüdafiə və Biotəhlükəsizlik imkanlarının gücləndirilməsi” proqramı çərçivəsində “Azərbaycana idxal olunan kənd təsərrüfatı bitkilərinin, toxumların müxtəlif xəstəliklərinin və genetik modifikasiya olunmuş məhsulların molekulyar diaqnostikası” mövzusunda layihəsi (layihənin rəhbəri akademik Cəlal Əliyevdir) qalib gəlib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: