Coğrafiya İnstitutunun elmi işlər üzrə direktor müavini, AMEA-nın müxbir üzvü Elbrus Əlizadə oktyabrın 21-dən 23-dək “Elm, təhsil, mədəniyyət və məlumat-maarifləndirmə fəaliyyəti dağlıq ərazilərin dayanaqlı inkişafının əsasıdır” mövzusunda keçirilən VIII Beynəlxalq konfransda iştirak etmək üçün Rusiya Federasiyasının Şimali Osetiya-Alaniya Respublikasına ezam ediləcək.
Konfransın işi dağlıq ərazilərin dayanıqlı inkişafında yerli özünüidarəetmənin rolu, elm, təhsil, mədəniyyət, demoqrafiya, səhiyyə sahəsində problem və nailiyyətlər, turizm-rekreasiya, ətraf mühitin qorunması və s. istiqamətlər üzrə olacaq.
Beynəlxalq konfransda Elbrus Əlizadə c.ü.f.d. Starə Tarixazər ilə birgə hazırladıqları “Böyük Qafqazın cənub yamacının dağlıq geosistemlərində sel proseslərinin inkişafında yüksəklik-landşaft asılılığı” və “Böyük Qafqazın Azərbaycan hissəsində sürüşmə prosesləri inkişafının antropogen-dinamik xüsusiyyətləri” mövzusunda məruzələrlə çıxış edəcək.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir