AMEA Coğrafiya İnstitutunun İqlim və aqroiqlimşünaslıq şöbəsinin əməkdaşları – c.ü.f.d. Umayra Tağıyeva və elmi işçi Cəmilə Əhmədovanın hazırladıqları “Tibbi-meteoroloji proqnozlar üçün metodik vəsait” çapdan çıxıb.
Azərbaycan və ingilis dillərində nəşr olunan metodik vəsaitdə qlobal iqlim dəyişmələri şəraitində atmosferin tərkibində və sirkulyasiyasında baş verən dəyişikliklərin, anomal və təhlükəli hidrometeoroloji hadisələrin, o cümlədən “isti hava dalğalarının” davamiyyəti və təkrarlanmasının artması ilə insanların əlverişsiz meteoroloji şəraitə qarşı həssaslığının yüksəldilməsi diqqətə çatdırılır. Yeni nəşr bu baxımdan əhalini və müvafiq təşkilatları tibbi-meteoroloji proqnoz və xəbərdarlıqlarla təmin etməklə, əlverişsiz hava şəraiti ilə bağlı qabaqlayıcı tədbirlərin həyata keçirilməsinə və yarana biləcək risklərin yumşaldılmasına yardımçı ola bilər.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir