AMEA-nın illik Ümumi yığıncağında Rusiya Elmlər Akademiyasının həqiqi üzvü, fizika üzrə Nobel mükafatı laureatı Jores Alfyorov “Azərbaycan Respublikasının Nizami Gəncəvi adına Qızıl medalı” ilə təltif olunub.
J.Alfyorov əmək fəaliyyətinə 1953-cü ildə SSRİ Elmlər Akademiyasının Fiziki-Texnika İnstitutunda mühəndis kimi işə başlamışdır. Yarımkeçiricilər fizikası, yarımkeçiricilər və kvant elektronikası sahəsi üzrə mütəxəssis olan alim 1972-ci ildən Ümumi Fizika və Astronomiya Bölməsi üzrə müxbir üzv, 1979-cu ildən Ümumi Fizika və Astronomiya Bölməsi üzrə akademik seçilmişdir.
Yarımkeçiricilər, heterokeçid və onların əsasında cihazların yaradılması sahəsindəki əməyinə görə Lenin mükafatı və SSRİ Dövlət mükafatına layiq görülmüş J.Alfyorov 2004-cü ildən AMEA-nın fəxri üzvüdür.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir