Azərbaycan Milli Elmlər Akademiyası

“Qarabağ Azərbaycandır!” Bu nida cümləsi Azərbaycan Respublikasının Prezidenti, Ali Baş Komandanımız İlham Əliyevə məxsusdur. Sözünün ağası olan möhtərəm Prezidentimiz İlham Əliyev birdəfəlik sübut etdi ki, Qarabağ Azərbaycan ərazisinin ayrılmaz hissəsidir, əzəli, tarixi torpağımızdır.

Dağlıq Qarabağın və 7 ətraf rayonlarımızın 27 il erməni dığalarının tapdağı altında qalması çoxlarında torpaqlarımızın geri qaytarılmasına ümid çırağını söndürmüşdü. Lakin Azərbaycan Prezidenti, Ali Baş Komandanımız İlham Əliyev bu illər ərzində torpaqlarımızın düşmən tapdağı altında olduğunu bir an belə unutmayıb, ərazilərimizin necə azad edilməsi barədə düşünüb və bunu özünün bir nömrəli vəzifəsi hesab edib. Azərbaycan Prezidenti, Silahlı Qüvvələrimizin Ali Baş Komandanı İlham Əliyev bu vəzifəsinin öhdəsindən ləyaqətlə gəlmiş, həm diplomatiya, həm siyasət, həm də hərb sahəsində bütün dünyaya örnək olan özünəməxsus yeni strategiya ortaya qoyub. Möhtərəm Prezidentimiz İlham Əliyev buna uzun illərin düşüncəsi, titanik fəaliyyəti, düzgün siyasət yeritməsi, şücaətli ordu yaratması, ilahi biliyi, diplomatik qabiliyyəti, möhkəm iradəsi sayəsində nail olub.

Erməni hərbi birləşmələrinin növbəti dəfə bu il sentyabrın 27-də Füzuli-Cəbrayıl istiqamətlərində ağır artilleriya ilə hücuma keçməsi ölkə prezidentini, Ali Baş Komandan İlham Əliyevi narahat etməyə bilməzdi. Ona görə də o, dərhal ordumuzun əks-hücuma başlaması barədə qərar qəbul etdi. Bu qərar xalqımız tərəfindən müsbət qarşılandı. Hamı bir nəfər kimi Silahlı Qüvvələrinin Ali Baş Komandanı İlham Əliyevin və şanlı ordumuzun ətrafında sıx birləşdiklərini nümayiş etdirdi.

İkinci Qarabağ müharibəsi – vətən müharibəsi başlayan ilk gündən müdrik Ali Baş Komandanımız İlham Əliyevin rəhbərliyi altında mətin ordumuz irəliləyərək, düşməni işğal olunmuş torpaqlarımızdan qovmağa başladı. Döyüş cəbhəsindən davamlı xoş xəbərlər gəldi. Hakimiyyət, ordu və xalq birliyi öz sözünü dedi. Hər keçən gün bizi parlaq qələbəyə yaxınlaşdırdı.

İşğal altında olan rayonlarımızın – Füzulinin, Cəbrayılın, Zəngilanın, Qubadlının və sair məntəqələrimizin kiçik bir kəndinin, qəsəbəsinin azad olunması xəbəri xalqımızın bütün zümrələrini, uşaqdan böyüyədək hamını döyüşə gedib, doğma torpaqlarımızı murdar, vəhşi ermənilərdən təmizləməyə sövq edirdi. Bu milli özünüdərkdən, qətiyyətli Ali Baş Komandanımız, ölkə Prezidenti İlham Əliyevə böyük ehtiramdan irəli gəlirdi. Bütün bunlar möhkəm birliyimizin sübutudur. O da sübutdur ki, Qarabağın mirvarisi Şuşada qısa müddət ərzində üçrəngli bayrağımız dalğalanmağa başladı. Ali Baş Komandanımız İlham Əliyevin qətiyyəti, mükəmməl rəhbərliyi ilə qəhrəman Azərbaycan Ordusu bütöv Qarabağa, çox yaxın keçmişədək işğal altında olan bütün rayonlarımıza yeni nəfəs verib.

Əlbəttə, dünya hərb tarixində təzə səhifələr yazan, yeni hərbi zəfərin banisi Azərbaycan Prezidenti, Ali Baş Komandanımız İlham Əliyevin, hərtərəfli fəaliyyəti, ikinci Qarabağ döyüşlərində - vətən müharibəsində şücaət göstərən Ordumuz, canları, qanları bahasına işğal altında olan ərazilərimizi azad edən, bu yolda şəhidlik zirvəsinə ucalan oğullarımız haqqında kitablar yazılacaq, filmlər çəkiləcək, elmi-tədqiqat əsərlərində şanlı qələbəmiz, yeni tariximiz öz əksini tapacaq.

Azərbaycan Respublikasının Prezidenti, Ali Baş Komandanımız İlham Əliyev noyabrın 8-də Azərbaycanın dilbər guşəsi Şuşanın azad olmasını, cəmi ikicə gün sonra isə vətən müharibəsinin şanlı qələbəmizlə bitməsini, Azərbaycan Respublikasının Prezidenti İlham Əliyevin, Rusiya Federasiyasının Prezidenti Vladimir Putinin və Ermənistanın Baş naziri Nikol Paşinyanın imzaladıqları bəyanatı elan etdiyi anlardan xalqımızın şadlandığını, ruh yüksəkliyini, parlaq qələbimizi ən əziz bayram kimi nümayiş etdiklərini görmək, duymaq və duyğulanmaq necə də xoşdur. Belə anları, prezidentimizin dahiliyini, sadə olduğu kimi sərtliyini, özünün təbirincə desək, hər bir Azərbaycan vətəndaşının prezidenti olduğunu, torpağımızın hər qarışını sevdiyini, bütün müstəvilərdə - diplomatiyada, siyasətdə, quruculuqda, hərbi sahədə, informasiya mübarizəsində və s. qalib olduğunu dərk edəndə ucadan demək istəyirsən: “Nə yaxşı ki, mən cənab Prezidentimiz İlham Əliyevin rəhbərlik etdiyi respublikanın vətəndaşıyam və bu respublikanın paytaxtında yaşayıram, işləyirəm”.

Ulu Öndərimiz Heydər Əliyevin “Mən həmişə fəxr etmişəm, bu gün də fəxr edirəm ki, mən Azərbaycanlıyam” ifadələrini parlaq qələbəmizi təmtəraqla qeyd etmək üçün əllərində Azərbaycan və Türkiyə bayraqları ilə Şəhidlər Xiyabanına, park və meydanlara axışan minlərlə həmvətənlərimizdən də eşitmək olurdu.

Respublikamızın bütün bölgələrini, xarici ölkələrdəki səfirliklərimiz və konsulluqlarımızın yerləşdikləri əraziləri bürüyən izdihamlar, sevinc göz yaşları ilə müşayiət olunan xoş sözlər dəyanətli ölkə prezidentimiz, Ali Baş Komandanımız İlham Əliyevə, müzəffər, rəşadətli ordumuza, torpaqlarımız uğrunda şəhid olan qəhrəman oğullarımıza sonsuz ehtiramın nümunəsidir.

Məhz ölkə Prezidenti, Ali Baş Komandan İlham Əliyevin möhkəm iradəsi 100 minlərlə insanlarımıza sevinc göz yaşı qismət etmişdir. Bu, 30 ildir ki, 10 milyonluq Azərbaycan xalqının gözünün nurunu alan yaş deyil. Əksinə, 20 milyon göz bəbəyinə işıq verən məlhəmdir.

Bəli, Prezidentimiz, Ali Baş Komandanımız, xalqımızın xilaskar oğlu, tərs sualları ilə çaşdırıcı mövqedə olan ermənipərəst jurnalistləri, necə deyərlər nokauta salan, mahir diplomat İlham Əliyev və şücaətli ordumuz bizə qismət etdikləri qələbə bayramı ilə bütün Azərbaycanı rövnəqləndirmişdir. Dahi şairimiz Səməd Vurğun demiş: “Ömür rövnəq tapır könül güləndə; insanın qədrini insan biləndə”.

10 milyonluq xalqımız Prezidentimiz İlham Əliyevi daim alqışlayır, onun titanik fəaliyyətini bəyənir, dəstəkləyir. Bunu möhtərəm Prezidentimiz həmişə görür, hiss edir. Parlaq qələbəmizdən sonra Ali Baş Komandanımız İlham Əliyev birinci xanım Mehriban Əliyeva ilə birlikdə ilk olaraq döyüşlər zamanı yaralanan və hazırda 1 saylı Kliniki Tibbi Mərkəzdə müalicə olunan bir qrup əsgərlərimizlə görüşüb. Prezident onlara döyüş şücaətlərinə görə minnətdarlığını bildirib, tezliklə sağalmaları üçün lazımi köməklik göstərəcəyini söyləyib. Bu işdə birinci xanım Mehriban Əliyevanın qayğısını da diqqətə çatdırıb. Göründüyü kimi, Prezidentimiz, Ali Baş Komandanımız ikinci vətən müharibəsində iştirak edən hər bir əsgərin qayğısına qalır. Torpaqlarımız uğrunda şəhid olan döyüşçülərimizin ailələrinin, valideynlərinin problemləri də Ali Baş Komandanımız İlham Əliyevin həmişə diqqət mərkəzində durur.

İndi biz bütöv Azərbaycanda yaşayırıq. Yüz minlərlə məcburi köçkün ailəsinin “köçkünlük” statusu artıq ləğv olunub, onların doğma yurdları azad edilib. Prezidentimiz cənab İlham Əliyev işğaldan azad olunmuş torpaqlarımızın minalardan təmizlənməsi, yaşayış üçün bütün infrastrukturların yaradılması üçün komissiyaların təşkil edilməsi, xarici ölkələrdən ekspertlərin dəvəti olunmaları barədə göstərişlər verib və bu işlərə artıq başlanılıb. Uğurlar olsun!

Azərbaycan Prezidenti İlham Əliyevin rəhbərlik etdiyi dövr salnaməmizə qızıl hərflərlə yazılıb. Paytaxtımızda və digər şəhər və rayonlarımızda yaradılan xariqələr, salınan park və bağlar, yaraşıqlı körpülər, göydələnlər, mərkəzlər və s. dediklərimizə sübutdur.

Sonda bir mühüm məsələni xüsusi olaraq qeyd etmək istəyirəm. Dünya tarixində elə bir müharibə olmayıb ki, ikinci Qarabağ müharibəsi kimi, cəmi 44 günə bitsin, özü də möhtəşəm qələbə ilə. Bu, Azərbaycan Prezidenti, Ali Baş Komandanımız İlham Əliyevin məharətli və qətiyyətli rəhbərliyinin, ordumuzun müasir hərbi texnika ilə təchizatının, əsgər və zabitlərimizin hazırlıqlı olmasının, xalqımızın birliyinin nəticəsidir.

Prezidentimiz, Ali Baş Komandanımız İlham Əliyev noyabrın 8-də Şuşanın işğaldan azad olunması münasibətilə birinci xanım Mehriban Əliyeva ilə birliktə Şəhidlər Xiyabanını ziyarət edərkən deyib: “Mən bu gün, eyni zamanda, ulu öndər Heydər Əliyevin məzarını ziyarət etdim, onun ruhu qarşısında baş əydim. Ürəyimdə dedim, xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Şəhidlərimizin, Ulu Öndərin ruhu şaddır bu gün! Gözün aydın olsun Azərbaycan! Gözünüz aydın olsun dünya azərbaycanlıları!”

Mən isə ürəyimdə deyirəm: “Ruhun şad olsun Ulu Öndərimiz! Oğlunuz 27 il işğal altında olan torpaqlarımızı erməni tapdağından azad etdi. Vəsiyyətinizi yerinə yetirdi. Təəssüflənirəm ki, Siz bunları görüb fəxarət hissi keçirmədiniz. Amma bu, Sizə əyandır. Ruhunuz şad olsun, ideyalarınız genişləndirilərək həyata keçirilir”.

Yaşasın Azərbaycan!

Yaşasın müzəffər Ali Baş Komandanımız!

Yaşasın Qüdrətli Ordumuz!

Qarabağ Azərbaycandır!

Aynel MƏŞƏDİYEVA, AMEA-nın Nəsimi adına Dilçilik İnstitutunun elmi katibi, filologiya üzrə fəlsəfə doktoru, dosent

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.