Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MARAQLI MƏLUMAT

10 noyabr - Sülh və İnkişaf Naminə Dünya Elm Günüdür
10.11.2020 11:04
  • A-
  • A
  • A+

10 noyabr - Sülh və İnkişaf Naminə Dünya Elm Günüdür

Hər il noyabrın 10-da Sülh və İnkişaf Naminə Dünya Elm Günü qeyd olunur. Bu günün qeyd olunmasında məqsəd elmin cəmiyyətdəki rolunu və geniş ictimaiyyətin elmi məsələlərin müzakirəsində iştirakının vacibliyini, eyni zamanda, elmin gündəlik həyatda əhəmiyyətini və aktuallığını vurğulamaqdır.

2020-ci ildə Sülh və İnkişaf naminə Dünya Elm Günü “Elm pandemiya ilə mübarizədə cəmiyyətin xidmətində” devizi altında qeyd olunur. UNESCO bu böhran dövründə elm sahəsində beynəlxalq əməkdaşlığı möhkəmləndirməyə çalışır.

Dünya Elm Günü münasibətilə UNESCO-nun Baş direktoru Odre Azule ictimaiyyətə müraciət edib. Müraciətdə qeyd olunur ki, elm bizə pandemiya ilə mübarizə yolunu göstərə bilər.

Qeyd edək ki, Sülh və İnkişaf naminə Dünya Elm Günü 2001-ci ildə UNESCO-nun Baş Konfransında 1999-cu ildə Budapeştdə keçirilmiş UNESCO-nun və Dünya Elmi Şurasının ortaq birliyi zamanı verilən öhdəliklər çərçivəsində təsis olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: