Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Fiziologiya İnstitutunun əməkdaşları qanvermə aksiyasında iştirak ediblər
31.08.2020 14:09
  • A-
  • A
  • A+

Fiziologiya İnstitutunun əməkdaşları qanvermə aksiyasında iştirak ediblər

AMEA-nın akad. A.Qarayev adına Fiziologiya İnstitutunun əməkdaşları Respublika Talassemiya Mərkəzinin təşkil etdiyi qanvermə aksiyasında iştirak ediblər. Tədbirin təşkilində məqsəd talassemiyalı və hemofiliyalı xəstələrə yardım etmək olub.

Könüllülük əsasında keçirilən aksiya Milli Hematologiya və Transfuziologiya Mərkəzinin Qan Bankının xüsusi tibb briqadasının həkim-hematoloqları tərəfindən hər bir donorun sağlamlığı öncədən müəyyən olunaraq baş tutub. Yığılan qan ehtiyatı yoxlanılaraq talassemiya, hemofiliya və digər qan xəstəliklərindən əziyyət çəkənlər üçün istifadə olunacaq.

Qeyd edək ki, bu proses Azərbaycan Respublikasının Prezidenti İlham Əliyevin təsdiq etdiyi "Hemofiliya və talassemiyadan əziyyət çəkən uşaqlara qayğı" Dövlət Proqramına dəstəyin təzahürüdür.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: