Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Naxçıvan Bölməsində elmi-tədqiqatlar uğurla davam etdirilir
10.04.2020 13:28
  • A-
  • A
  • A+

Naxçıvan Bölməsində elmi-tədqiqatlar uğurla davam etdirilir

AMEA-nın Naxçıvan Bölməsində COVID-19 virusu ilə əlaqədar ölkədə elan olunan karantin rejiminin şərtlərinə ciddi riayət edən əməkdaşlar elmi fəaliyyətlərini cari ilin iş planına uyğun məsafədən uğurla davam etdirirlər.

Bölmənin Tarix, Etnoqrafiya və Arxeologiya İnstitutunun Qədim və orta əsrlər tarix şöbəsində nəzərdə tutulan elmi-tədqiqat işləri istiqamətində tədqiqatlar aparılır. Şöbə müdiri, tarix üzrə fəlsəfə doktoru, dosent İlhami Əliyev tərəfindən Azərbaycanın ayrılmaz tərkib hissəsi olan Naxçıvanın XVIII əsrin birinci yarısına aid ictimai-siyasi vəziyyəti tədqiqata cəlb edilib. Belə ki, hazırda “Səfəvi, Əfşar, Rusiya və Osmanlı dövlətlərinin Azərbaycan siyasətində Naxçıvan (XVIII əsrin I yarısı)” adlı monoqrafiya nəşrə hazırlanır.

Qeyd edək ki, ötən illərdə şöbədə orta əsrlər dövründə Naxçıvanda inkişaf etmiş sənətkarlıq sahələri araşdırılıb. Naxçıvanın XIII-XVIII əsrlər dövründə siyasi vəziyyəti, iqtisadi həyatı, coğrafiyası və əhalisi tədqiq olunub. Şöbənin əməkdaşları tərəfindən Naxçıvanın epiqrafik abidələrinə və Azərbaycan tarixinin müxtəlif problemlərinə aid 600-dən artıq elmi və elmi kütləvi əsər, o cümlədən 40-dan artıq kitab, monoqrafiya, dərs vəsaiti, metodik vəsait və dərs proqramı, 380-dən artıq elmi məqalə və tezis nəşr edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: