Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MARAQLI MƏLUMAT

“Sabahın tədqiqatçıları” layihəsinin daha bir uğuru
20.03.2020 18:42
  • A-
  • A
  • A+

“Sabahın tədqiqatçıları” layihəsinin daha bir uğuru

AMEA-nın Naxçıvan Bölməsi və Naxçıvan Muxtar Respublikasının Təhsil Nazirliyinin birgə təşkilatçılığı ilə baş tutan “Sabahın tədqiqatçıları” layihəsi çərçivəsində daha bir uğura imza atılıb. Bölmənin Bioresurslar İnstitutunun Biokimyəvi tədqiqatlar laboratoriyasının böyük elmi işçisi, biologiya üzrə fəlsəfə doktoru Surə Rəhimovanın rəhbərliyi ilə Naxçıvan şəhər 5 saylı tam orta məktəbin IX sinif şagirdi Zümrüd Babazadənin “Naxçıvan Muxtar Respublikası ərazisində yayılan Sarıçiçək, Böyürtkən və Yunanqozu bitkilərindən təbii boyaqların alınması” mövzusunda apardığı tədqiqat işi yekunlaşıb.

Layihənin icrası müddətində Sarıçiçək, Böyürtkən və Yunanqozu bitkilərindən təbii boyaq kimi istifadə oluna biləcək sarı, qırmızı və tünd qəhvəyi rəngli ekstraktlar müxtəlif həlledicilər tətbiq edilməklə alınıb. Alınan ekstraktlar qatılaşdırılıb və onların boyaq kimi istifadə imkanları araşdırılıb. Müəyyən edilib ki, alınan ekstraktlar yeyinti sənayesində, xalçaçılıqda, parçaların boyanmasında və s. tətbiq oluna bilər.

Qeyd edək ki, ötən il bölmə əməkdaşları tərəfindən Naxçıvan şəhərində yerləşən ümumtəhsil məktəblərinin IX-XI sinfində təhsil alan və elmə marağı olan 50 şagird Azərbaycan dili, tarix, fizika, kimya və biologiya üzrə fərdi və kollektiv şəkildə tədqiqatlar aparırlar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: