Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

Azərbaycanda davamlı turizm fəaliyyətinin təşkili imkanları araşdırılır
17.03.2020 10:14
  • A-
  • A
  • A+

Azərbaycanda davamlı turizm fəaliyyətinin təşkili imkanları araşdırılır

AMEA-nın akademik Həsən Əliyev adına Coğrafiya İnstitutunda Azərbaycanda davamlı turizm fəaliyyətinin təşkili və kənd turizminin potensial imkanları araşdırılır.

İlkin mərhələdə kənd turizminin resurs bazası və ondan istifadə perspektivləri tədqiq olunub. Bununla yanaşı, kənd turizminin inkişaf etdirilməsində xarici təcrübə öyrənilib. Aparılan tədqiqatlar əsasında ilkin nəticələr əldə edilib.

Məlum olub ki, Quba və Qusar inzibati rayonlarının dağ kəndləri təbii zənginliyinə görə turizm üçün əlverişli olan ərazilər hesab edilir. Bu rayonların Xınalıq, Buduq, Qırızdəhnə, Haput, Cek, Kuzun və Laza dağ kəndləri həm təbiəti, həm də etnik mənşəyi ilə turistlərin diqqətini cəlb edir. Bölgədə dini, etnoqrafik, ekoloji, ekstremal turizm növlərini inkişaf etdirmək üçün böyük potensial imkanlar var. 

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: