Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

18.12.2019 10:43
  • A-
  • A
  • A+

Tarix İnstitutunun elmi dəstəyi ilə Ankarada Xocalı soyqırımı kompleksi yaradılır

Tarix İnstitutunun elmi dəstəyi ilə Ankarada Xocalı soyqırımı kompleksi yaradılır

AMEA-nın Tarix İnstitutunda Türkiyənin Tarixdaş Millətlər və Cəmiyyətlər Dərnəyinin (TMCD) sədri Əhməd Baba ilə görüş keçirilib.

Tədbiri müəssisənin direktoru, akademik Yaqub Mahmudov açaraq ümummilli lider Heydər Əliyevin "Bir millət, iki dövlət" sözlərini xatırladıb, Azərbaycanla Türkiyə arasında dostluq və qardaşlıq münasibətlərindən danışıb.

Sonra çıxış edən Əhməd Baba iki dövlətin ən ağır dönəmlərində bir-birlərinə dəstək olduqlarını bildirib. O, hazırda Ankara şəhərində TMCD və Yıldırım Bəyazid Universiteti arasında imzalanan anlaşmaya əsasən Xocalı soyqırımı parkı və abidə kompleksinin tikildiyini deyib. Qeyd edib ki, kompleks universitetin ərazisində AMEA-nın Tarix İnstitutunun elmi dəstəyi ilə inşa olunur: "Bu layihə Xocalı soyqırımının dəhşətlərinin dünya ictimaiyyətinə çatdırılmasında mühüm rol oynayacaq. 1,5 hektar ərazidə Xocalı şəhidlərinin xatirəsinə 613 ağac əkiləcək".

Sonda Y.Mahmudov Tarixdaş Millətlər və Cəmiyyətlər Dərnəyinə Tarix İnstitutunun nəşrlərini təqdim edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: