AMEA-nın Məhəmməd Füzuli adına Əlyazmalar İnstitutunun əməkdaşı Sona Xəyal tərəfindən XX əsrin əvvəllərində fəaliyyət göstərmiş Bakı ədəbi mühitinin tanınmış qəzəlxanı və satirik şairi Mirhəsən Münsifin (1881-?) əsərləri nəşr olunub.
Nəşrin redaktoru filologiya üzrə fəlsəfə doktoru Aytac Zeynalova, rəyçiləri - filologiya üzrə fəlsəfə doktoru, dosent Əzizağa Nəcəfzadə və Qutiyera Cəfərovadır.
Qeyd edək ki, hazırda Əlyazmalar İnstitutunda şairin yeddi dəftər avtoqrafı saxlanılır. Dəftərlərin birində “Tuti” adı altında 100-dən artıq şeir var. Münsifin bu şeirləri Bakıda çıxan “Tuti” satirik məcmuəsində 1915-1917-ci illər ərzində mütəmadi çap olunub. Şair öz əsərlərini “Münsif”, “Məxfi”, “Qəmiş”, “Sırtıq” və “Əfi” imzaları ilə nəşr etdirib.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.