S.Y.Məmmədəliyeva müasir elmdə inteqratif  proseslərin fəlsəfi baxımdan dərk edilməsi sahəsində əhəmiyyətli iş görərək tarixi-fəlsəfi və elmi tədqiqatlar əsasında elmi biliyin müxtəlif sahələri arasında getdikcə artan əlaqəni aşkara çıxarmışdır. Ekoloji elmin statusunu açmaqla S.Y.Məmmədəliyeva müasir elmi aksiologiya tərəfə çəkən biliyin inkişafında müasir ekologiyanın ictimai tənzimləyici  amil olduğunu göstərir. Elmi tədqiqatların istiqamətlərindən biri ekoloji mədəniyyət və etika problemidir. Son illər S.Y.Məmmədəliyeva mədəniyyət siyasəti üzrə milli və beynəlxalq elmi proqramlar üzərində iş aparır. Onun iştirakı ilə mədəni tədqiqatlar üzrə Bonn Müqayisəli Tədqiqat İnstitutu və  Avropa Şurası ilə birgə "Azərbaycanda mədəniyyət siyasəti: əsas fakt və təmayüllərin xülasəsi" elmi layihəsi hazırlanmışdır ki, bu layihə internet səhifəsində yerləşdirilmişdir. S.Y.Məmmədəliyeva Avropa Şurasının "Steyc" və "Müqayisənin mədəniyyət vasitəsində aradan qaldırılması" regional elmi layihələrinin koordinatorudur. YUNESKO-nun "Mədəni çeşidlilik" və "Dünyanın yaddaşı" elmi proqramları üzərində iş aparır.

1. Kimya və ekologiyanın fəlsəfi-metodoloji nöqteyi nəzərdə qarşılıqlı təsiri.
2. Ekoloji problem və onun həlli yolları.
3. Ekologiya və texnika.
4. Mədəniyyət, təhsil, ekologiya.
5. Azərbaycan Respublikasında  mədəniyyət siyasəti (əsas faktlar və təmayüllər)

1. Beynəlxalq Ekoenergetika Akademiyasının akademiki.
2. Rusiya Ekologiya Akademiyasının əcnəbi üzvü.
3. NOOSFERA Beynəlxalq Akademiyasının akademiki.
4. Avropa Şurası Mədəni Komitəsinin və Mədəni Əməkdaşlıq Komitəsinin üzvü.