Çoxillik tədqiqatlar əsasında Əli-zadə A.A. Azərbaycanın təbaşir mollyuska faunasının (belemnitlər) kompleksləri barədə təlimin başlıca müddəalarını irəli sürmüş, bu qədim canlıların təsnifatı və filogeniyasını vermiş, paleozoocoğrafi rayonlaşdırma prinsiplərini işləyib hazırlamış, ekologiya və paleontologiyaya dair məsələləri işıqlandırmışdır. Təbaşir dövründə Aralıq dənizi höfzələrində fəqərəsizlərin zaman-məkan daxilində paylanma mərhələlərinin müəyyən edilməsində və bu əyalətdə müvafiq paleobiocoğrafi taksonların ayrılmasında önçüllük A.A.Əli-zadəyə məxsusdur. Onun tərəfindən Qafqazın təbaşir höfzələrinin biogeokimyəvi rayonlaşdırılması metodlarının işlənməsi və təkamül amili paleohövzələrdə geokimyəvi şəraitin öyrənilməsi sahəsində fundamental tədqiqatlar aparılmışdır. İlk dəfə olaraq izotop paleotermometriya üsulu ilə Azərbaycanın təbaşir hövzələri üçün paleotemperatur qiymətlərini təyin etmişdir. Azərbaycanın təbaşir çöküntülərinin paleontologiya və stratiqrafiyası üzrə fundamental işlərə görə Azərbaycan Dövlət mükafatı laureatı adına layiq görülmüşdür.

1. Меловые белемниты Азербайджана. М., Недра, 1972.

2. Ak. A. Ali-zadeh, E. Z. Atayeva, R. O. Koshkarly, D. N. Mamedova, A. A. Babazadeh, M. D. Simmons, R. W. Jones., 1994, Biostratigraphy of Miocene sediments of Eastern Azerbaijan an overview. Jn: "Biostratigraphy of former Soviet Union oil and gas basins" St. Peters. 

3. Reynolds A. D., Simmons M. D., Bowman M.B.J., Heubon J., Brayshow A. C., Ali-zadeh A. A., Guliyev I. S., Suleymanova S. F., Atayeva E. Z., Mamedova D. N., Koshkarly R. O., 1996. Implications of outcrop geology for reservoirs in the Neogene Productive Series, Absheron Peninsula, Azerbaijan. AAPG Bulletin, 82, 1, 25-49. 

4. Ian Lerche, Ak. A. Ali-zadeh, I. Guliyev, E. Bagirov, R. Nadirov, M. Tagiyev, A. Feizullayev. South Caspian Basin: Stratigraphy geochemistry and risk analysis, Baki, 1997.

5. Ali-zadeh Ak. A., Aliyev G. A., Babayev Sh. A., Babazadeh A. D. Stratigraphical atlas of oil-gas complexes of Azerbaijan. Houston, 1998.

Əli-zadə A.A. Rusiya paleontologiya cəmiyyətinin həqiqi üzvü, idarələrarası stratiqrafik komitənin üzvü, Qafqaz regional idarələrarası stratiqrafik komissiyasının sədridir.

"Fədakar əməyə görə" medal - 1970;
"Şərəf nışanı" ordeni - 1986;
Azərbaycan Respublikasının Əməkdar Elm Xadimi - 1991;
Azərbaycan Respublikasının Dövlət Mükafatı laureatı - 1991;
Azərbaycan Respublikasının "Şöhrət" ordeni - 2004.

Azərbaycan Dövlət Neft Akademiyasında və Bakı Dövlət Universitetində müəllimlik fəaliyyəti ilə məşğuldur

AMEA Geologiya İnstitutu, AZ1143,  Azərbaycan Respublikası, Bakı ş., H.Cavid pr., 29a

AMEA Geologiya İnstitutu,  direktor